+ تعرف ايه عن المنطق ؟
– نعم ؟ 
+ أقصد تعرف ايه عن البايوس BIOS ؟
– …….
تعالي أقولك 
البايوس BIOS هو عبارة عن سوفت وير متخزن علي شريحة أو Chip بنقول عليها مجازاً شريحة الـ BIOS (زي اللي في الصورة اللي تحت دي 
)
البايوس BIOS هو المسؤول عن تشغيل اللاب توب من أول ما حضرتك تدوس علي زرار الباور لغاية ما يتم تحميل ملفات الـ Boot الخاصة بالويندوز (أو أي نظام تشغيل)
البايوس BIOS في المرحلة دي بيقوم بشوية مهام منها إنه بيـTest جميع أجزاء الهاردوير و يطمن إنها بدون مشاكل و متوافقه مع بعضها 
البايوس BIOS بيروح يدور علي نظام تشغيل (اللي عادةً بيكون موجود علي HardDesk) عشان يسلمه إدارة الجهاز ولو معرفش يوصل لنظام التشغيل لأي سبب يطبعلك رسالة خطأ علي الشاشة
لحد كدة كله تمام
نيجي بئا للمشاكل اللي ممكن تحصل 
لو ملف البايوس حصل في خطأ أو الشريحة نفسها تلفت لأي سبب ، تفتكر ايه اللي ممكن يحصل ؟
الجهاز ميت : بما إنه هو السوفت وير المسؤول عن تشغيل الجهاز فـ لو حصله حاجة الجهاز مش هيشتغل (والعيب ده بيظهر بأشكال مختلفه)
رساله أنه في معلومات ناقصه زي Serial Number و دي مشهوره في أجهزة HP
وغيرها من المشاكل
و ايه الحل ؟
لو المشكلة في ملف البايوس (عيب سوفت وير) فالحل إننا بنقوم بإعادة شحن شريحة البايوس بالسوفت وير المناسب و الخاص بالشريحة دي و الجهاز ده
لو المشكلة في الشريحة نفسها (عيب هاردوير) فالحل إننا بنقوم بتغيير الشريحة بواحدة جديدة بنفس المواصفات و شحن شريحة البايوس بالسوفت وير المناسب و الخاص بالشريحة دي و الجهاز ده
==================================
لو عندك أي مشكلة في اللاب توب 
شرفنا في مكتب اكستريم Xtream Group 
هنعمل فحص للجهاز مجاناً و نعملك صيانة فورية بأفضل الأسعار و قطع غيار أصلية
اكستريم جروب Xtream Group بخبرة 15 سنة في صيانة جميع أنواع اللاب توب هو أفضل وأقوي مكان تقدر تعمل فيه صيانة للـ لاب توب بتاعك وإنت مطمن
