يعني ايه صيانه او اصلاح كروت الشاشه ؟
اولا بتفرق من فني لي فني علي حسب الخبره والأدوات وجوده قطع الغيار المستخدمه في عمليه الاصلاح. أعطال كروت الشاشه لي كذا سبب
.١- إهمال الصيانه الدوريه للجهاز.
٢- التحميل الزائد في فترات استخدام الكارت علي الألعاب او برامج الجرافيكس.
٣- الصدامات الكهربائيه اثناء التشغيل وهي اخطرهم واللي ممكن تخسر الجهاز في لحظه .
Built-in كارت الشاشه بيتغير؟ ده مدمج في البوردة
كل حاجه في الدنيا قابله للتغير لكن الأدوات في هذا الشأن مهمه جدا .
ايه الفرق بين كروت الشاشه في اللابتوب وكروت الشاشه في الكمبيوتر العادي ؟
الاجابه من وجهه نظر عمليه في المجال .هي الحمل الحراري للكارت مع الأداء المستخدم واللي علي أساسه بتحدد الفتره الزمنيه في التشغيل ..
يعني ايه الكلام ده .؟
بأختصار لو انت مركز علي الألعاب بشكل اساسي يبقي مينفعش معاك لابتوب. هيكون الافضل ليك كمبيوتر مكتبي وبمواصفات تقنية في اختياره .لان الحمل الحراري فيه اعلي واستهلاك الطاقه اعلي وده بيديك احساس وانت شغال بقوه الكارت.
طيب يعني ايه صيانه او اصلاح كروت الشاشه ؟
تعالي احكيلك بشكل في نوع من المهنيه وشويه ضمير ..
اولا لازم نتكلم علي نوع الاعطال اللي بتحصل في كروت الشاشه.
١- الشاشه مش جايبه اي بيانات.
٢-الوان غريبه في الشاشه .
٣-الشاشه الزرقاء في الاستخدام .
٤-الجهاز بيفصل لوحده وانا شغال علي الألعاب او برامج الجرافيكس.طيب ده ليه حلول ولا ايه ؟؟
طبعا ليه حلول وبفضل الله نحن اول شركه في مصر عملت هذا النوع من الصيانه .
الحل ايه تغير كارت الشاشه ولا ريبولنج (الشبلونه) ؟؟
الحل مختلف جدا بين اللابتوب والكمبيوتر
ازاي ؟في اللابتوب لو اتحرق كارت الشاشه انت خسرت القيمه السعريه للابتوب كلها وبيتباع تقطيع( خرده ) او بتغير المازربورد بسعر خرافي وياما لاقتها او لاء طيب وال كمبيوتر هتغير كارت الشاشه وكمان ممكن تعمل تحديث
يعني اشتري كمبيوتر؟
برده لاء لازم تحدد هدفك مظبوط وانت بتشتري. طيب ياهندسه كارت الشاشه بتاعي اتحرق اعمل ايه ؟.لازم تختار بعنايه شديده الشركه الاي هتصلح الجهاز ومش اي حد عنده ماكينه فك الشيب يبقي الموضوع خلص لان كتير عندهم بيعملو عليها شاي
.
ازاي يعني ؟
الموضوع مش مجرد ماكينه شيب الموضوع اكبر من كده من جوده قطع غيار وطريقه شراء من خارج البلاد واستيراد وضرائب وقرارت سياسيه بتاثر علي المدفوعات. ده غير ازمه عالميه في التصنيع الرقائق الإلكترونية بسببها كل حاجه بقت الضعف وحاليا مش ملحوظه لكن قرابه شهر مايو القادم 2022 هتكون التأثيرات ملحوظه .
يبقي اعمل ريبولنج او شبلونه علشان اوفر تمن الكارت .؟ تأكد وبكل مهنيه .انها افشل نوع صيانه ممكن تعمله وتخسر فلوسك وبسببه بتتعرض انك تخسر الجهاز بالكامل .
طيب اخر سوال .انت بتصلح كروت الشاشه في الكمبيوتر ؟
لو قريت كلامي كويس هتفهم ان فكره اصلاح كروت الشاشه في الكمبيوتر غير مجديه لأنها ممكن تغير الكارت بواحد جديد وكمان تعمل تحديث واستفدت بفتره استخدام ومخسرتش فلوسك طيب ليه مش بتصلح كروت الكمبيوتر؟ لان ارتفاع تكلفه شراء الشيب من الصين غاليه جدا والصيانه كلفتها جنونيه وده مفيش حد هيقتنع بيه .وانا والله مش بصلح كروت الشاشه الكمبيوتر نهائي لغايه لما اسيب المجال .
